2024 жылдың 15 наурызында Есіл ауданының «Кинорежиссер Аяған Шәжімбаев атындағы № 3 Явленка орта мектебі» КММ базасында Алтынсарин атындағы ҰБА қолдауымен «Ауылдық тірек және шағын жинақты мектептерде жекелеген пәндерді оқытудың инновациялық әдістерін енгізу» пилоттық жобасы аясында «Шағын жинақты ауыл мектептеріндегі білім беру процесін цифрландыруда «Microsoft Teams» платформасының мүмкіндіктерін тиімді пайдалану» («Microsoft-Kazakhstan» жобасын масштабтау негізінде) тақырыбы аясында Қарағанды, Қостанай, Павлодар, Ұлытау, Түркістан өңірлерінің әдіскерлері мен педагогтерне республикалық семинар-практикум өткізілді. Семинарға 250 астам қатысушылар қатысты. Семинардың мақсаты: «Microsoft Teams» платформасының мүмкіндіктерін пайдаланып шағын жинақты ауыл мектептеріндегі білім сапасын арттыруға жағдай жасау, платформаны қолдануда тиімді тәсілдерді тарату әдістемесімен бөлісу. Семинар барысында ШЖМ білім беруде ақпараттық-коммуникациялық технологияларды пайдалану, ғылыми-зерттеу және жобалық қызмет бойынша педагогтер өз тәжірибелерімен бөлісті. Жобаның мүмкіндіктері шағын жинақталған мектептердің педагогтері мен оқушыларына үлкен білім беру үдерісіне қосу арқылы өздерінің білім деңгейін көтеруге көмектеседі.