Тәуелсіздік – ең алдымен Қазақ халқының бостандыққа ұмтылған асқақ армандары мен қайсар рухының жемісі. Сондықтан да біз үшін Тәуелсіздіктің 25 жылдық мерейтойы – ең қастерлі күн. Осы орайда, 2016жылдың 15желтоқсан күні гимназия шаңырағында «Тәуелсіздік – тірегім» атты салтанатты жиын аталып өтті. Қазақстан Республикасының мемлекеттік Әнұранымен ашылған жиын барысында еліміздің 25жылда жеткен жетістіктері, Тәуелсіздік жолында өз өмірін құрбан еткен саңлақтарымыздың ерен ерліктерін көрсететін сахналық қойылыммен жалғасты. Тәуелсіздіктің 25жылдығы қарсаңында гимназияның дамуы мен өркендеуі жолында ат салысқан ата-аналар қауымы да алғыс хаттармен марапатталды.