Бүгін қарашаның 30-ы күні «Қазақ мектеп-гимназиясының» жанындағы шағын орталықта «Жасай бер, жаса, Қазақстан!» атты ертеңгілік Тәуелсіздіктің 25 жылдығына орай өткізілді. Ертеңгілік салтанатты түрде Қазақстан Республикасының мемлекеттік гимнімен ашылды. Бүлдіршіндер тәуелсіздік, Қазақстан, Елбасы туралы жаттау өлеңдерін айтты. «Қарлығаш», «Балапан» топтары әсем ән шырқады. Тәрбиешілер балаларға Отан ұғымының мәні туралы айтып өтті. «Балапан» тобының қыздары көрермендерге би сыйлады. Ертеңгілік соңында музыка жетекшісі Еркін Тәжібайұлының орындауында «Жаса,Қазақстан» әні шырқалып, бүлдіршіндерде жақсы әсер қалдырды.