Новости - SKO Agartu

Home / News

1 мамыр күні мерекесі

10.05.2017

Биілгі 1 мамыр күні мерекесі біздің ауданымызда ерекше өтті. Новоишим қазақ орта мектебі бұл мерекеге белсене қатысты. Алаңда киіз үй құрылып, дастархан жайылып, мерекелік бағдарлама ұйымдастырылып, барша халықтың қызықтыра қарап, куәгер болуға барлық жағдай жасалды. Сонымен қатар бұл мерекеде «Тұсау кесу» салт-дәстүрі көрсетіліп, «Тоғызқұмалақ», «Арқан тарту», «Асық ойнау», «Білек алмасу» ұлттық ойындары ойнатылды. Сонымен қатар киіз үйдін жанында қол өнер көрмесі ұйымдастырылды. Оқушы қыздарға қыз-келіншектер тарапынан нан жаюдан шебер сынып ұйымдастырылып көрсетілсе, ақ жаулықты әжелер тарапынан жүн иіру әдісі көрсетілді. Жалпы бұл мерекеге 60-тан аса оқушы, 35 мұғалім белсене қатысты.