Еңбек және халықты әлеуметтік қорғау министрлігінің хабарлауынша білім беру, денсаулық сақтау, әлеуметтік қорғау және мәдениет саласында жұмыс істейтін азаматтық қызметкерлердің еңбек ақысын жоғарылату бойынша Мемлекет басшысы берген тапсырмаға сәйкес биылғы 1 маусымнан бастап 1,3 миллион адамның жалақысы көбеймек.
Министрлік осыған орай жүргізілген зерделеу жұмыстарының қорытындысына сәйкес жасалған арнайы есептемелік жобаны бұқаралық ақпарат құралдары арқылы жұртшылықтың назарына ұсынды. ҚР Тұңғыш Президенті-Елбасымыз Нұрсұлтан Назарбаев “Нұр Отан” партиясының кезекті съезінде еңбек ақы мөлшері аз бюджет қызметкерлерінің айлығын өсіру қажеттілігіне айрықша тоқталып, тиісті шаралар қабылдануы үшін нақты тапсырмалар жүктегені белгілі.
Мемлекет басшысы Қасым-Жомарт Тоқаев бұл істі белгіленген шілде айының 1-іне дейін созбай алдағы маусым айының басынан бастап жүзеге асыруды міндеттеген еді. Нәтижесінде салалық министрлік нақты ұсыныстар әзірлегенін білдік.
Бұл бастама қолдау тапқан жағдайда республикалық бюджеттен 2019-2021 жылдар аралығында жыл сайын 86 миллиард теңге қарастырылатын көрінеді.
Посмотреть новость на сайте учрежденияВернуться к списку новостей